Ədəbiyyat

Ədəbiyyat

Azərbaycanda Ümumdünya Kitab və Müəlliflik Hüququ Gününə həsr olunan tədbir keçirilib

23 aprel 2008 13:32 (UTC +04:00)

Bakı. Laura Cəbrayıllı-APA. 23 Aprel - Ümumdünya Kitab və Müəlliflik Hüququ Günü və 26 Aprel - Beynəlxalq Əqli Mülkiyyət Gününə həsr olunan tədbir keçirilib. APA-nın məlumatına görə, tədbiri giriş sözü ilə Azərbaycan Müəllif Hüquqları Agentliyinin sədr müavini Oqtay Səmədov açaraq, bu günün ümumxalq bayramı olduğunu bildirib: “Beynəlxalq kitab günü təkcə müəlliflərin yox, kitabla maraqlanan hər kəsin, deməli bütün vətəndaşların bayramıdır”. Salman Mümtaz adına Azərbaycan Dövlət Ədəbiyyat və İncəsənət Arxivinin direktoru Maarif Teymurov Azərbaycanın kitab mədəniyyətinin tarixinin qədim olduğunu deyib: “Kitaba bugünkü münasibət məni kədərləndirir. Çoxdan yığışdırılan kitab mağazalarının əvəzinə yenilərinin açılmasını hələ də həsrətlə gözləyirik”. AMEA-nın müxbir üzvü Rasim Əliquliyev, şair Çingiz Əlioğlu və digərlərinin çıxışlarında kitabsevərlərin sayının artırılmasının zəruriliyindən, müəlliflərin və hüquq sahiblərinin əsərlərinin qeydiyyatından, müəlliflik hüququ və əlaqəli hüquqlar sahəsinin bugünkü vəziyyətindən danışılıb.