Almaniyada çoxmənzilli yaşayış binasında baş verən yanğın nəticəsində azı 4 nəfər ölüb. APA-nın “TASS”a istinadən verdiyi xəbərə görə, hadisə Almaniyanın qərbindəki Saarbrüken şəhərində qeydə alınıb. Yanğın zamanı daha bir nəfər ciddi xəsarət alıb.
Yanğın bu gün axşam saatlarında baş verib. Hazırda yanğının söndürülməsi istiqamətində tədbirlər davam etdirilir.