Bakı-APA. İordaniya çayının Qərb sahilində fələstinlilərin Yasir Ərəfatın vəfat günü ilə əlaqədar nümayişində İsrail əsgərləri ilə münaqişə yaşanıb.
APA-nın RİA Novosti agentliyinə istinadən verdiyi xəbərinə görə, toqquşma nəticəsində 200-dən çox fələstinli xəsarət alıb.
Fələstin səhiyyə nazirliyinin məlumatına əsasən, 30 nəfər müxtəlif növ silahlardan açılan atəş nəticəsində, 85 nəfər rezin güllələrdən xəsarət alıb, daha 100-ə yaxın etirazçı isə gözyaşardıcı qazdan zəhərlənib.
Noyabrın 11-də İordan çayının Qərb sahilində Fələstin milli muxtariyyətinin ilk lideri, Nobel Sülh mükafatı laureatı Yasir Ərəfatın ölüm gününü qeyd ediblər. Xatırladaq ki, Yasir Ərəfat 2004-cü ildə Parisdə hərbi hospitalda vəfat edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
