Bakı-APA. Çinin Tzyansu əyalətində ikimərtəbəli yaşayış binasında partlayış baş verib.
APA-nın RİA Novosti agentliyinə istinadən verdiyi xəbərə görə, Usi şəhərində qeydə alınan hadisə nəticəsində 1 nəfər ölüb, 8 nəfər xəsarət alıb.
Məlumata əsasən, dağıntılar altında qalanlar var. İlkin versiyaya görə, hadisəyə məişət qazının partlaması səbəb olub.
Hadisə yerinə polis və xilasedicilər cəlb edilib.