Bakı. Şəhriyar Əlizadə - APA. “Hüquqlarını müdafiə etdiyim Loğman Abdullayevin Milli Təhlükəsizlik Nazirliyinin əməkdaşı kimi təqdim edilməsi düzgün deyil”.
Bunu APA-ya açıqlamasında vəkil Bəxtiyar Hacıyev deyib. O bildirib ki, L. Abdullayevin Milli Təhlükəsizlik Nazirliyi ilə bağlı başlanan cinayət işinə adiyyatı yoxdur: “İstintaq orqanı iddia edir ki, Loğman Abdullayev Milli Təhlükəsizlik Nazirliyinin adından istifadə edərək dələduzluq edib. Loğman Abdullayev bu il iyulun 6-da Türkiyədən Azərbaycana gələrkən hava limanında saxlanılıb. O, heç vaxt həmin nazirlikdə çalışmayıb. Hazırda cinayət işi üzrə istintaq araşdırması aparılır”.
Qeyd edək ki, bəzi KİV-lərdə L. Abdullayevin MTN əməkdaşı olması, Akif Çovdarovun göstərişlərini yerinə yetirməsi barədə məlumatlar yayılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
