Quba. Vəli Turan – APA. Azərbaycana səfərə gəlmiş ABŞ-dakı Simon Vizental Mərkəzinin rəhbərinin müavini, ravvin Abraham Kuper Quba rayonunda olub.
APA-nın şimal bürosunun xəbərinə görə, Quba rayon İcra Hakimiyyətinin başçısı Yaşar Məmmədov qonaqlara rayon haqqında məlumat verib.
Daha sonra ravvin Abraham Kuper Qubada dağ yəhudilərinin yığcam yaşadığı Qırmızı qəsəbəyə gedib. O, qəsəbədə fəaliyyət göstərən iki sinaqoq və mədəniyyət mərkəzi ilə tanış olub, dini icmanın nümayəndələri ilə söhbət edib.
A. Kuper Quba Soyqırımı Memorial Kompleksini və ərazidəki kütləvi məzarlığı da ziyarət edib. Bildirilib ki, Quba soyqırımı məzarlığı 2007-ci il aprelin 1-də ərazidə torpaq işləri görülərkən aşkar olunub. Bundan sonra Azərbaycan Milli Elmlər Akademiyasının Arxeologiya və Etnoqrafiya İnstitutunun əməkdaşları tərəfindən kütləvi məzarlıqda geniş tədqiqat işləri aparılıb. Tədqiqat nəticəsində məzarlığın 1918-ci ildə ermənilərin yerli dinc əhaliyə qarşı törətdikləri soyqırımla bağlı olduğu müəyyən edilib. Ravvin Quba Soyqırımı Memorial Kompleksi ilə tanışlıqdan sonra xatirə kitabına ürək sözlərini yazıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
