“Bizi maraqlı yarış gözləyir. Üç ay ərzində yarışın qrup mərhələsi başa çatacaq”. Apasport.az saytının məlumatına görə, bunu AFFA-nın baş katibi Elxan Məmmədov deyib.
AFFA-nın rəsmi saytına açıqlamasında UEFA Millətlər Liqasının püşkünü dəyərləndirən assosiasiyanın rəsmi bildirib ki, oyunlar komandamız üçün heç də asan keçməyəcək: “Kənardan rəqiblərin aşağı reytinqli komandalar olduğu görünür. Ancaq yığmamızın 3 gün ərzində 2 oyun keçirəcəyini və bu matçlardan birinin doğma, digərinin isə rəqib meydanında olacağını nəzərə alsaq, yarışın asan keçməyəcəyi dəqiqdi. Əlbəttə, məqsədimiz birinci pilləni tutmaq, düşüncəmiz isə hər oyunda qalib gəlməklə bağlı olmalıdır. Rəqiblərimiz də xal və ya xallar qazanmaq üçün mübarizə aparacaqlar. Bu baxımdan heç bir görüş asan keçməyəcək. Üç ay ərzində intensiv bir yarış izləyəcəyik. Missiya mümkündür”.
Qeyd edək ki, yığmamız Millətlər Liqasında Farer adaları, Kosovo və Malta ilə eyni qrupda yer alıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
