Oktyabr ayının 27-də Tacikistanın paytaxtı Düşənbə şəhərində CAREC-in (Central Asia Regional Economic Cooperation) Nazirlər Konfransı baş tutacaq.
Asiya İnkişaf Bankının (Asian Development Bank, ADB) Azərbaycandakı nümayəndəliyindən "APA-Economics"ə verilən məlumata görə, tədbir çərçivəsində CAREC-in 2030-cu ilədək strategiyası təsdiqlənəcək. Strategiyanın təsdiqlənməsi CAREC-in mandatının genişlənməsinə səbəb olacaq, beləliklə, yeni inkişaf templərinə nail olmaq mümkün olacaq.
Konfransda ADB-nin prezidenti Takehiko Nakao da iştirak edəcək.
Tədbirdə Azərbaycanı iqtisadiyyat nazirinin müavini Niyazi Səfərovun başçılıq etdiyi nümayəndə heyəti təmsil edəcək.