Yaponiyada oktyabrın 22-də keçirilmiş parlament seçkisinin ilk nəticələri məlum olub.
APA-nın “Asahi” telekanalına istinadən verdiyi xəbərə görə, seçkilərdə baş nazir Sindzo Abenin rəhbərlik etdiyi hakim koalisiya – Liberal Demokrat Partiyası və “Komeyto” partiyası qalib gəlir. İlkin məlumata əsasən, koalisiya 465 yerlik parlamentdə 310 mandat qazanıb.
Qeyd edək ki, Yaponiyanın baş naziri sentyabrın 28-də parlamentinin aşağı palatasını buraxaraq vaxtından əvvəl seçkilər elan edib.