Bakı. Real Cəfərli - APA. “Suriyaya yardım göstərməyə hazırıq”. APA-nın məlumatına görə, bunu İran Quru Qoşunlarının komandanı, general-mayor Əhmədrza Purdəstan bildirib.
Onun sözlərinə görə, Suriyanın özünü müdafiə etmək qabiliyyətinə malik güclü ordusu var: “Rəsmi Dəməşqin digər ölkələrin köməyinə ehtiyacı yoxdur. Lakin biz dost və müsəlman bir ölkə olaraq Suriyanın yanındayıq. Əgər ehtiyac olarsa, biz Suriya ordusuna hərbi təhsil verməyə hazırıq”.