Bakı-APA. Əfqanıstanın Pəncər əyalətində terror aktı törədilib, nəticədə azı 13 nəfər ölüb, 25 nəfər yaralanıb. APA-nın “RİA Novosti”yə istinadən verdiyi xəbərə görə, ölənlər arasında 6 polis, 7 dinc sakinin olduğu bildirilir.
Polisin məlumatına görə, yerli sakinlərlə dolu sərnişin avtobusu postda yoxlamanı gözləyərkən terrorçu-kamikadze avtobusun yanında duran avtomobilə quraşdırılan partlayıcı qurğunu işə salıb.
“Taliban” hərəkatı partlayışa görə məsuliyyəti öz üzərinə götürüb.