Tiflis. Nizami Məmmədzadə - APA. Gürcüstanın daxili işlər naziri Aleksandr Çikaidze Azərbaycana rəsmi səfərə yollanıb. APA-nın Gürcüstan bürosunun məlumatına görə, bu barədə nazirliyin mətbuat xidmətindən bildirilib.
Səfər çərçivəsində A. Çikaidzenin azərbaycanlı həmkarı Ramil Usubov və digər rəsmi şəxslərlə görüşləri planlaşdırılıb. Görüşlərdə hüquq-mühafizə sahəsində ikitərəfli əməkdaşlıq məsələləri müzakirə olunacaq.
Səfər mayın 16-da sona çatacaq.