Bakı. Vahab Rzayev – APA-Economics. Mayın 14-də Amerika fond bazarında Dow Jones indeksi 0,8% - 15 215 bəndədək, S&P 500 1,0% - 1 650 bəndədək, Nasdaq 0,7% - 3 463 bəndədək yüksəlib. «APA-Economics»in məlumatına görə, ABŞ fond bazarında indekslərin yüksəlməsinə əsasən korporativ hesabatlar təsir edib.
Avropa fond bazarlarında mayın 14-də FTSE 100 indeksi 0,8% - 6 686 bəndədək, Almaniya DAX-ı 0,7% - 8 339 bəndədək, Fransa CAC-40-ı 0,5% - 3 966 bəndədək yüksəlib.
COMEX-də qızılın bir unsiyasının qiyməti 0,1% artaraq 1 425,5 dollara bərabər olub.
Dünya bazarında avronun dollara qarşı məzənnəsi 1,2932 (+0,1%) dollar təşkil edir.