Bakı – APA. Türkiyə Futbol Federasiyasının (TFF) İntizam Komitəsinin iclası keçirilib. Apasport.az saytının məlumatına görə, yığıncaqda Superliqanın XXIV turunda yarımçıq qalan “Trabzonspor” – “Fənərbaxça” oyunu ilə bağlı məsələ müzakirə olunub.
Martın 10-da “Avni Aker” stadionunda keçirilən və İstanbul təmsilçisinin 1:0 hesabı ilə öndə olduğu qarşılaşma 45+9-cu dəqiqədə dayandırılmışdı. Matçın hakimləri oyunun davam etdirilməsinin mümkünsüzlüyündən qarşılaşmanı davam etdirməməyə qərar vermişdi.
Həmin vaxt arenada yaşananları nəzərə alan komitə meydan sahiblərinə 0:3 hesablı texniki məğlubiyyət verib. Bu qəraradək hesabında 1 oyun az olmasına baxmayaraq, liderlik edən “Fənərbaxça” aldığı qələbə ilə izləyicilərindən daha da uzaqlaşıb.
Superliqanın sonuna 6 tur qalmış liderin hesabında 63, “Qalatasaray”ın isə 53 xalı var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
