Ağdam. Teymur Zahidoğlu-APA. Ermənistan-Azərbaycan qoşunlarının təmas xəttinin Ağdam rayonu istiqamətində, silahlı qüvvələr arasındakı neytral ərazidə güclü yanğınlar müşahidə olunmağa başlayıb APA-nın Qarabağ bürosunun xəbərinə görə, cəbhənin Ağdam istiqamətində ermənilər nəzarət altında saxladıqları Baş Qərvənd kəndinin ərazilərində yanğınlar törədiblər. Yeli sakinlərin APA-ya verdiyi xəbərə görə, alovun müşahidə olunduğu istiqamətdə bir-birinin ardınca partlayış səsləri eşidilib. Ehtimala görə, partlayışlar vaxtilə hər iki tərəfin basdırdığı minaların istinin təsirindən partlaması ilə meydana gəlir.
APA-nın hadisə yerində olan müxbiri xəbər verir ki, törədilmiş yanğının miqyası gecə saatlarına doğru genişlənməkdədir.
Xatırladaq ki, hər il yaz-yay aylarında ermənilər işğal olunmuş Azərbaycan torpaqlarında iri yanğınlar törədir. Bu isə ərazinin təbii resurslarının, fauna və florasının məhvinə səbəb olur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
