Bakı – APA. Futzal üzrə milli komandaların reytinq siyahısı açıqlanıb. Apasport.az saytının məlumatına görə, cədvəldə dünyanın 152 yığması yer alıb.
Bu komandalardan 106-sı əsas siyahıya daxil edilibsə, 46 milli son 2 ildə kifayət qədər oyun keçirmədiyindən cədvələ şərti olaraq salınıb.
Hesabında 1391 xal olan Azərbaycan yığması irəliləyişə nail olub. Ötən reytinq cədvəlində 11-ci olan millimiz mövqeyini 1 pillə yaxşılaşdırıb.
10 ən güclü sırasına düşən yığmamız ötən dəfə 9-cu olan Paraqvayın 4 pillə geriləməsindən sonra yüksəlib. Millimiz 9-cu olan Yaponiyadan da cəmi 5 xal geri qalır.
Qeyd edək ki, siyahıya dünya futzalının nəhəngləri – Braziliya, İspaniya və İtaliya başçılıq edir.
1. Braziliya - 1955
2. İspaniya - 1915
3. İtaliya - 1771
4. İspaniya - 1739
5. Portuqaliya - 1616
6. Argentina – 1597
7. İran - 1589
8. Ukrayna - 1460
9. Yaponiya - 1396
10. AZƏRBAYCAN - 1391
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
