Bakı-APA. Ötən gün axşam saatlarında Riqaya 150 ABŞ hərbçisi gəlib. APA-nın “RİA Novosti”yə istinadən verdiyi xəbərə görə, bu barədə Latviyanın Müdafiə Nazirliyi məlumat yayıb.
ABŞ Baltikyanı ölkələrə və Polşaya 600 hərbçisini göndərməyi qərara alıb. Riqa aeroportunda amerikalı hərbçiləri Latviya Silahlı Qüvvələrinin nümayəndələri qarşılayıb. ABŞ-ın Latviyadakı səfirliyi hərbçilərin ilin sonunadək ölkədə qalacaqlarını bildirib.
Latviyanın NATO-dakı səfiri Maris Riekstinş jurnalistlərə bildirib ki, amerikalı hərbçilərin Latviyada olmalarının məqsədi ölkədə təhlükəsizliyi təmin etməkdir.
“Yaz qasırğası” beynəlxalq hərbi təlimlər Şərqi Avropanın 4 ölkəsini əhatə edəcək və Polşada mayın 5-də başlayacaq. Tədricən təlimlər Litva, Latviya və Estoniyanı da əhatə edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
