Bakı. Real Cəfərli - APA. Azərbaycan-İran sərhədindəki mövcud vəziyyətlə əlaqədar oktyabrın 21-də İranın Culfa şəhərində toplantı keçirilib.
APA-nın İRNA-ya istinadən verdiyi məlumata görə, toplantıda Azərbaycanın Təbrizdəki baş konsulu, Culfa valisi və sərhəd rəsmiləri iştirak ediblər. Culfa valiliyində keçirilən toplantıda qarşılıqlı siyasi və mədəni əlaqələrin genişləndirilməsi məqsədəuyğun sayılıb.
Culfa şəhərinin valisi Muxtar Seyfi bildirib ki, görüşdə iki ölkə vətəndaşlarının sərhədlərdən keçmələri və beynəlxalq layihələrin icrası vəziyyəti araşdırılıb. Vali görüşün təfərrüatları barədə məlumat verməyib: “Tarixi, dini və mədəni ortaqlıqları nəzərə alaraq, İranla Azərbaycanın siyasi və mədəni əlaqələri yüksək səviyyədə olmalıdır”.
Qeyd edək ki, Culfa şəhəri Naxçıvan Muxtar Respublikası sərhəddə yerləşir və iki ərazini Araz çayı ayırır. Hazırda gündəlik üç mindən çox Azərbaycan vətəndaşı Culfadakı sərhəd-keçid məntəqəsindən İrana daxil olur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
