Bakı-APA. “İŞİD” qüvvələrinin İraqın Bakuba şəhərinin ətrafında yerləşən həbsxanaya hücumu zamanı 40-dan çox məhbus qətlə yetirilib. APA-nın “BBC”yə istinadən verdiyi xəbərə görə, insidentin təfərrüatları müəyyənləşdirilir, lakin yerli KİV-lər məhbusların hücum edənlər tərəfindən səhvən öldürüldüyünü ehtimal edirlər.
Yaraqlılar, öz növbəsində, iddia edirlər ki, məhbuslar həbsxanadan qaçmağa cəhd edən zaman hüquq-mühafizə orqanlarının əməkdaşları tərəfindən öldürülüblər.