Bakı. Könül Cəfərli – APA. İranın Şərqi Azərbaycan vilayətinin Təbriz şəhəri ilə Fələstinin Qəzza şəhəri qardaşlaşıb.
APA-nın “Fars” xəbər agentliyinə istinadən verdiyi məlumata görə, bununla bağlı aprelin 13-də iki şəhərin bələdiyyə sədrləri arasında protokol imzalanıb.
Təbriz Şəhər Bələdiyyəsinin rəhbəri Əlirza Novin bildirib ki, 3500 illik keçmişi olan Təbriz bu gün dünyanın bir çox ölkəsində tanınan şəhərdir: “Təbriz Qəzza ilə yanaşı, Bakı, İstanbul, Kazan və Hamburq şəhərləri ilə də qardaşlaşıb”.