Bakı. Vüsal Nəbiyev - APA-Economics. Dövlət Sosial Müdafiə Fondunun (DSMF) sədri Elman Mehdiyev Yevlax şəhər şöbəsinin inzibati binasında məcburi dövlət sosial sığorta ödəyiciləri və pensiyaçılar üçün qəbul keçirəcək.
Fondun İctimaiyyətlə əlaqələr sektorundan “APA-Economics”ə verilən məlumata görə, mayın 15-i, saat 11:00-da təşkil olunacaq qəbulda Yevlax, Mingəçevir, Naftalan, Goranboy, Bərdə, Tərtər, Ağdam və Xocalıdan olan vətəndaşların qəbulu keçiriləcək.
Qəbula yazılmaq və əlavə məlumat almaq istəyən vətəndaşlar DSMF-nin [email protected] elektron poçt ünvanı, həmçinin aşağıdakı telefon nömrələri ilə əlaqə saxlaya bilərlər:
Fondun Aparatında (012) 434-12-34
Yevlax şəhər şöbəsində (02233) 6-29-77
Mingəçevir şəhər şöbəsində (02427) 5-46-59
Naftalan şəhər şöbəsində (02235) 2-25-53
Goranboy rayon şöbəsində (02224) 5-13-00
Bərdə rayon şöbəsində (02020) 5-19-09
Tərtər rayon şöbəsində (02223) 6-34-64
Ağdam rayon şöbəsində (02632) 5-02-52
Xocalı rayon şöbəsində (02224) 7-44-14
Qəbulda iştirak edəcək vətəndaşların mayın 15-də DSMF-nin müvafiq rayon şöbələrinin inzibati binasının qarşısından xüsusi ayrılmış nəqliyyatla qəbulun keçiriləcəyi ünvana aparılıb-gətirilmələri təmin olunacaq.