Bakı. Nicat Mustafayev – APA-Economics. Azərbaycan nümayəndə heyəti Minskdə (Belarus) keçirilən TIBO-2013 telekommunikasiya, informasiya və bank texnologiyaları üzrə XX beynəlxalq ixtisaslaşmış sərgi-konqresdə iştirak edir.
«APA-Economics»in Azərbaycan Rabitə və İnformasiya Texnologiyaları Nazirliyinə istinadən verdiyi məlumata görə, təşkilatçı qismində Belarus Rabitə və İnformasiyalaşdırma Nazirliyinin çıxış etdiyi TIBO-nun məqsədi Belarusun sosial-iqtisadi inkişafı üçün informasiya-kommunikasiya texnologiyalarından səmərəli istifadəyə yardımçı olmaqdır.
Aprelin 26-dək davam edəcək sərgidə 15 ölkənin 300-dən çox şirkətinin məhsulları nümayiş olunur. İştirakçılar informasiya texnologiyaları sahəsinin müxtəlif istiqamətləri üzrə innovasiya həllərini təqdim edir. Azərbaycan sərgidə ölkənin İKT sahəsinin son nailiyyətlərinin nümayiş olunduğu milli stendlə təmsil olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
