Afrika

Ana səhifə

Afrika

Misirdə prezident seçkilərinin ilk günü seçici fəallığı yüksək olmayıb

17 iyun 2012 00:46 (UTC +04:00)

Bakı-APA. Misirdə iki gün sürəcək təkrar prezident seçkilərinin səsvermənin birinci günü başa çatıb.
APA-nın voanews.com saytına istinadən verdiyi xəbərə görə, misirlilər sabiq prezident Hüsnü Mübarəkin kabinetində baş nazir olmuş Əhməd Şəfiq və Müsəlman Qardaşları partiyasının namizədi Məhəmməd Mosri arasında seçim edəcəklər.

Keçən il prezident Mübarəkin hakimiyyətdən devrilməsindən sonra bu, Misirdə son on illər ərzində ilk demokratik seçkilərdi.

Qahirədə seçkinin ilk günü seçici fəallığının keçən ay birinci turda olduğu qədər yüksək olmayıb. Bu zidd siyasi baxışlara malik iki siyasətçi arasında seçimin seçicilər üçün asan olmaması ilə izah olunur.
Səsvermə bazar günü davam etdiriləcək.