İnfrastruktur

Ana səhifə

İnfrastruktur

Son 5 ildə Rusiyada xarici markalı avtomobillərin sayı 15% artıb

03 may 2012 08:49 (UTC +04:00)

Bakı - APA-Economics. Bu ilin əvvəlinə Rusiyada xarici markalı avtomobillərin payı 46,3% təşkil edib.

“APA-Economics”in xəbərinə görə, “Avtostat” analitik agentliyinin hazırladığı hesabatda bildirilir ki, beş il əvvəl bu göstərici 31,5% olub.

Ötən il Rusiyada xarici markalı avtomobillərin sayı 2010-cu illə müqayisədə 3,3% artıb. Maraqlıdır ki, paytaxt Moskva xarici avtomobillərin sayına görə regionların siyahısına nəinki liderlik etmir, hətta 68,4%-lik göstərici ilə 8-ci yerdə qərarlaşıb. Liderlik isə Primorsk diyarına məxsusdur - 87%. İkinci və üçüncü yerləri Saxalin (85%) və Kalininqrad (83,7%) bölüşdürür.

Rusiyada ən az xarici markalı avtomobil isə Şimali Qafqaz respublikalarında - Dağıstan (13,9%), Çeçenistan (16,6%) və İnquşetiyada (18,5%) qeydə alınıb.