Maliyyə

Ana səhifə

Maliyyə

Azərbaycan Beynəlxalq Bankı nizamnamə kapitalını artırır

14 fevral 2012 13:08 (UTC +04:00)

ABB-nin mətbuat xidmətindən “APA-Economics”ə verilən məlumata görə, səhmdarların ümumi yığıncağında ABB-nin nizamnamə kapitalının səhmlərin emissiyası yolu ilə 100 mln. manat məbləğində artırılması, bununla da kapitalın 340 mln. manata çatdırılması barədə qərar qəbul olunub.

ABB-dən bildirilib ki, səhmlərin yerləşdirilməsinə qanunda nəzərdə tutulmuş tədbirlər görüldükdən, yəni səhm buraxılışı Qiymətli Kağızlar üzrə Dövlət Komitəsində qeydiyyata alındıqdan, emissiya prospektində olan məlumatlar Bakı Fond Birjasının rəsmi internet səhifəsində dərc olunduqdan sonra başlanacaq və səhmdarlara bildiriş göndərilməklə bu barədə əlavə məlumat veriləcək.

Xatırladaq ki, Azərbaycanın ən iri bank kredit təşkilatı olan ABB 1992-ci ildən fəaliyyət göstərir. Bankın nizamnamə kapitalında dövlətin iştirak payı 50,2% təşkil edir. Səhmlərin qalan 40%-i xüsusi mülkiyyətdədir, 10%-i isə bankın əmək kollektivinə məxsusdur.