Bakı. Cavid Zeynallı – APA. Gənc Şairlər Birliyi mərhum şairə Nurəngiz Günə həsr edilmiş “Nurəngiz Günə BİR BƏND ŞEİR” müsabiqəsi elan edib. Azərbaycan Yazıçılar Birliyinin mətbuat katibi Xəyal Rzanın APA-ya verdiyi məlumata görə, müsabiqədə iştirak etmək istəyənlər şairə Nurəngiz Gün haqqında yazılan yeni bir bəndlik şeiri “[email protected]” ünvanına göndərə bilərlər.
Şeirlərin qəbulu mayın 20-dək davam edəcək.
Qalib gələn şeirin müəllifinə V Azərbaycan Şairlər Günündə Müşfiq Mükafatı təqdim ediləcək.
Qaydalara əsasən ikinci və üçüncü yerin sahibləri diplom və hədiyyələrlə mükafatlandırılacaqlar.