Bakı – APA. Azərbaycanın xarici işlər naziri Elmar Məmmədyarov Türkdilli Ölkələrin Əməkdaşlıq Şurasının baş katibi Halil Akıncını qəbul edib.
XİN mətbuat xidmətindən APA-ya verilən məlumata görə, görüşdə baş katib Halil Akıncı nazir Elmar Məmmədyarova təşkilatın gündəliyində duran məsələlər haqqında ətraflı məlumat verib.
Görüşdə həmçinin Azərbaycanla Türkdilli Ölkələrin Əməkdaşlıq Şurası arasında əməkdaşlıq perspektivləri müzakirə edilib və Şuranın fəaliyyəti ilə bağlı fikir mübadiləsi aparılıb.