Bakı. Aqşin Rafiqoğlu - APA-Economics. Azərbaycanda təbii qazla təmin olunan abonentlərin sayı 1 mln. 752 min 660-a çatıb.
Azərbaycan Dövlət Neft Şirkətindən “APA-Economics”ə verilən məlumata görə, “Azəriqaz” İstehsalat Birliyi tərəfindən istehlakçıların fasiləsiz və keyfiyyətli təbii qazla təchiz edilməsi, eləcə də abonent bazasının daha da genişləndirilməsi istiqamətində görülən işlərin nəticəsi olaraq, bu il aprelin 1-nə olan məlumata görə, ölkə üzrə təbii qazla təmin olunan abonentlərin sayı 1 mln. 752 min 660-a çatıb.
Qeydiyyata alınmış abonentlərin 22 863-ü qeyri-əhali, 1 mln. 729 min 797-i isə əhali sektoruna aiddir. Ötən rüb ərzində əhali kateqoriyasına aid 19862 yeni abonent qeydiyyata alınmışdır ki, bunun da 10 538-i Abşeron rayonu, Bakı və Sumqayıt şəhərlərinin, 9324-ü isə regionların payına düşür. Bu il qazlaşdırılmış və qaz təminatı bərpa olunmuş yaşayış məntəqələri abonentlərin say artımında mühüm rol oynayıb.
Həmçinin, bu il aprelin 1-nə əhali sektoru üzrə 123 152 məcburi köçkün ailəsi fasiləsiz təbii qazla təmin olunub, eyni zamanda qeyri-əhali sektoru üzrə 315 məscid və dini məbədə təbii qazdan əvəzsiz istifadəsi üçün limit ayrılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
