Cəlilabad. Ağəddin Babayev - APA. Cəlilabad rayonunda döyülmə faktı qeydə alınıb. APA-nın cənub bürosunun məlumatına görə, hadisə bu gün səhər saatlarında rayonun Muğan kəndində baş verib. Kənd sakini, 1958-ci il təvəllüdlü Bəybala Əhəd oğlu Ağayev mal-qarasını örüş sahəsinə apararkən yolda həmkəndliləri Səid Məmmədovla oğlanlarının zorakılığına məruz qalıb. Vəhşicəsinə döyülərək huşunu itirmiş B.Ağayev yaxınları tərəfindən Cəlilabad Mərkəzi Rayon Xəstəxanasına çatdırılıb. Burada ona müvafiq tibbi yardım göstərilib və hazırda vəziyyəti stabildir. Zərərçəkənin sözlərinə görə, ona hücum çəkərək bədən xəsarətləri yetirən ata və oğlanları bir neçə gün öncə övladını da döyməklə müxtəlif bədən xəsarətləri yetiriblər.
Hazırda faktla bağlı Cəlilabad Rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
