Bakı. Aynur Əliyeva – APA-Economics. Şamaxı-Padar avtomobil yolunun tikintisi sürətlə davam etdirilir. Üçüncü texniki dərəcəyə uyğun yenidən qurulan yolda artıq 18 km hissəyə üç qat, 5 km hissədə iki qat asfalt-beton örtük salınıb.
«Azəryolservis» ASC-nin mətbuat xidmətinin rəhbəri Pünhan Mürsəliyevin «APA-Economics»ə verdiyi məlumata görə, 42 km məsafədə yolun əsasının tikintisi başa çatdırılıb: «Hazırda 7 km hissədə asfalt-beton örtüyünün salınmasına hazırlıq işləri yekunlaşmaq üzrədir. Yaxın vaxtlarda yol istifadəyə veriləcək».
Qeyd edək ki, Bakı-Şamaxı-Yevlax avtomobil yolunun 121-ci km-dən başlayan bu yol Bakı-Qazax-Gürcüstan sərhədi və Bakı-Şamaxı-Yevlax avtomobil yollarını respublikanın cənub, cənub-qərb rayonları ilə əlaqələndirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
