Bakı. Vahab Rzayev - APA-Economics. Bu ilin noyabr ayında Azərbaycana İslam İnkişaf Bankının missiyası gələcək.
“APA-Economics”in xəbərinə görə, bunu Azərbaycan Beynəlxalq Bankının (ABB) İslam Bankçılığı departamentinin direktoru Bəhnam Qurbanzadə bildirib.
B.Qurbanzadənin sözlərinə görə, missiya çərçivəsində ölkədə İslam bankçılığının inkişafı müzakirə olunacaq. Eyni zamanda tərkibində Nazirlər Kabineti, Mərkəzi Bank, İqtisadi İnkişaf, Vergilər və Maliyyə nazirlikləri və ABB-nin nümayəndələri olan İslam bankçılığı üzrə qanunvericiliyin təkmilləşdirilməsinə dair işçi qrupu yaradılacaq. İşçi qrup xarici məsləhətçinin iştirakı ilə Azərbaycanda İslam bankçılığının inkişafı konsepsiyasını və qanun layihəsini hazırlayacaq.
Qeyd edək ki, hazırda İslam bankçılığına həsr olunan vahid və təkmil qanunvericilik baza yoxdur ki, bu səbəbdən ölkədə bir sıra İslam bankçılığının məhsullarını tətbiq etmək mümkün deyil.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
