Bakı - APA. Bu gün Azərbaycanın xarici işlər naziri Elmar Məmmədyarov Pakistan İslam Respublikasının ölkəmizdəki səfiri İkramullah Məhsudu diplomatik fəaliyyətinin başa çatması ilə əlaqədar qəbul edib.
XİN mətbuat xidmətindən APA-ya verilən məlumata görə, görüşdə iki dost və qardaş ölkə arasında münasibətlərin hazırkı durumundan, xüsusilə siyasi əlaqələrin yüksək səviyyəsindən və beynəlxalq təşkilatlar çərçivəsində əməkdaşlıqdan məmnunluq ifadə olunub.
Nazir E.Məmmədyarov səfir İkramullah Məhsudun ölkəmizdəki fəaliyyətini təqdir edib və ona gələcək fəaliyyətində uğurlar arzulayıb. Pakistanlı diplomat öz növbəsində ölkəmizdə çalışdığı müddət ərzində ona yaradılmış şəraitdən məmnunluq bildirib və iki ölkə arasında əlaqələrin bundan sonra da yüksək səviyyədə qalacağına əminlik ifadə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
