Bakı. Rəşad Süleymanov – APA. Noyabrın 14-də Türkiyənin İstanbul şəhərində NATO Sənaye Forumu keçiriləcək.
APA-nın Forumun təşkilat komitəsinə istinadən verdiyi məlumata görə, bir günlük tədbirin açılışını Türkiyə Milli Müdafiə Nazirliyinin müdafiə sənayesi katibi Murad Bayar edəcək.
Tədbir çərçivəsində NATO-nun hərbi sənaye sektorunda gələcək baxışları müzakirə olunacaq. Avropa və Amerikanın böyük müdafiə şirkətlərinin nümayəndələri çıxışlar edəcəklər.
Foruma Azərbaycandan da nümayəndələr qatılacaq.