Bakı. Şəhriyar Əlizadə - APA. Bu gün Bakı Apellyasiya Məhkəməsində “REAL” Hərəkatının həbsdə olan sədri İlqar Məmmədovun Mərkəzi Seçki Komissiyasına (MSK) qarşı apellyasiya şikayəti əsasında məhkəmə prosesi davam etdirilib.
APA-nın məlumatına görə, prosesdə İ. Məmmədovun MSK-ya təqdim etdiyi imzalarla bağlı ekspertizanın keçirilməsi barədə qərar qəbul edilib. Prosesdə İ. Məmmədov çıxış edərək, məhkəmənin uzadılmasından narazılığını bildirib.
Proses qeyri-müəyyən vaxtadək təxirə salınıb.
Qeyd edək ki, MSK İ. Məmmədovun prezidentliyə namizədliyini qeydə almayıb.
Bundan narazı qalan İ. Məmmədov isə məhkəməyə müraciət edib.