Bakı – APA. Türk Hava Yolları (THY) Rusiya tərəfindən ilhaq olunan Krıma aviareysləri bərpa etmək qərarına gəlib. APA-nın “Hürriyet”ə istinadən verdiyi məlumata görə, THY-nin Rusiya təmsilçiliyi Krıma müntəzəm reyslərin bərpa olunacağını açıqlayıb. Təyyarə reyslərinin iyun ayında başlaması planlaşdırılır.
Xatırladaq ki, THY Krımda vəziyyətin gərginləşdiyi mart ayında Simferopola təyyarə reyslərini dayandırıb. Türkiyə Krımın Rusiyaya birləşdirilməsini tanımasa da, Simferopola reyslər bərpa olunacaq.