Bakı. Real Cəfərli - APA. İranda avtobus qəzası baş verib.
APA-nın “Mehr” xəbər agentliyinə istinadən verdiyi məlumata görə, hadisə iyunun 19-da səhər saat 05:20-də Bicar-Zəncan yolunun 12-ci kilometrliyində olub.
Tehrandan Banəyə hərəkət edən və içərisində 44 sərnişinin olduğu “Scania” markalı avtobus qəzaya uğrayıb. Nəticədə 30 nəfər müxtəlif dərəcəli bədən xəsarətləri alıb. Onlar yaxınlıqdakı xəstəxanalara qaldırılıblar.