Bakı. Aynur Əliyeva - APA-Economics. «Azərbaycan Dəmir Yolları» QSC havaların kəskin soyuması ilə əlaqədar gücləndirilmiş iş rejimində çalışır.
QSC-nin Mətbuat Katibliyinin rəisi Nadir Əzməmmədovun “APA-Economics”ə verdiyi məlumata görə, sərnişinlərin və hərəkət tərkiblərinin təhlükəsizliyinin təmin edilməsi məqsədilə bəzi ərazilərdə qatarların sürətinə məhdudiyyət qoyulub.
O, əlavə edib ki, bu gün saat 10:00-da Bakıya çatmalı olan Tbilisi-Bakı sərnişin qatarı Gürcüstanda müşahidə edilən şaxtalı hava şəraitinə görə gecikmə ilə Bakı sərnişin stansiyasına saat 11:00-da qəbul olunub.
N.Əzməmmədov qeyd edib ki, qatarların qəbulu və yola salınması müəyyən olunmuş qrafikə əsasən həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
