Bakı – APA. Vışeqraq qrupuna daxil olan ölkələr – Macarıstan, Polşa, Slovakiya və Çexiya Ukrayna ilə vizasız rejimə keçidi sürətləndirməyə hazırdır.
APA-nın UNİAN-a istinadən verdiyi məlumata görə, bu barədə sözügedən ölkələrin hökumət başçılarının birgə bəyanatında deyilir.
“Ukrayna ilə tezliklə vizasız rejiminə keçid xüsusi əhəmiyyət kəsb edir”, - deyə sənəddə vurğulanıb.
Qeyd edək ki, Vışeqraq qrupuna daxil olan ölkələr həmçinin Ukraynada vətəndaş cəmiyyətinin inkişafına əlavə vəsait ayırmağa hazırdır.