Səfər çərçivəsində İran-Azərbaycan Yüksək Texnologiyalar Forumu keçiriləcək
Bakı. Pərviz Nuriyev – APA-Economics. İranın rabitə və informasiya texnologiyaları naziri Mahmud Vaizinin dəvəti ilə 17-18 iyun tarixlərində Azərbaycanın rabitə və yüksək texnologiyalar naziri Əli Abbasovun rəhbərlik etdiyi nümayəndə heyətinin İrana səfəri nəzərdə tutulub.
Nazirlikdən “APA-Economics”ə verilən məlumata görə, səfər zamanı rabitə və informasiya texnologiyaları sahəsi üzrə yeni əməkdaşlıq istiqamətləri və qarşılıqlı sərmayə yatırımı imkanları nəzərdən keçiriləcək, gələcək perspektivlər müzakirə olunacaq.
Həmçinin, səfər çərçivəsində Ə.Abbasovun İranın müvafiq qurumlarının rəhbərləri ilə ikitərəfli görüşləri də planlaşdırılıb.
Bundan başqa, “İran-Azərbaycan Yüksək Texnologiyalar Biznes Forumu” da keçiriləcək. Forum hər iki tərəfi təmsil edən sahibkarlar arasında rabitə və yüksək texnologiyalar sahəsində səmərəli əməkdaşlığın qurulması və mövcud iqtisadi potensialdan yararlanaraq, bu sahədə əməkdaşlıq imkanlarının genişləndirilməsi məqsədi daşıyır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
