Tərtər. Teymur Zahidoğlu - APA. Tərtər Rayon Polis Şöbəsinin (RPŞ) əməkdaşları narkotik vasitələrin alqı-satqısı ilə məşğul olan şəxsi yaxalayıblar.
APA-nın Qarabağ bürosunun xəbərinə görə, keçirilən əməliyyat-axtarış tədbirləri nəticəsində rayonun Sarov kənd sakini Kamal Əkbərovun evinin zirzəmisində və həyətində ümumi çəkisi 5 kiloqrama yaxın narkotik vasitə aşkarlanaraq götürülüb.
K.Əkbərov saxlanılıb.
Faktla bağlı Tərtər RPŞ-də cinayət işi başlanıb, araşdırma aparılır.