Bakı. Fuad Cəfərov – APA. Bakıda daha bir zəncirvari yol qəzası baş verib.
Sabunçu Rayon Polis İdarəsindən APA-ya verilən məlumata görə, yol qəzası Heydər Əliyev Beynəlxalq Aeroportundan metronun “Koroğlu” stansiyası istiqamətində gələn yolda qeydə alınıb.
“Niva” markalı 2 avtomobil, “Mercedes” markalı 3 avtomobil və “Toyota” markalı avtomobillər toqquşub.
Qəza zamanı “Niva” markalı avtomobillərdən birində olan sərnişin yüngül bədən xəsarətləri alaraq, Klinik Tibbi Mərkəzə yerləşdirilib.