Abşeron rayon Polis Şöbəsindən APA-ya verilən məlumata görə, dekabrın 12-si saat 16.00 radələrində Abşeron rayonu Masazır qəsəbəsi Aşıq Ələsgər küçəsində yaşayan Həbib Qurbanovun evində təbii qazın sızmasından partlayış baş verib. H.Qurbanovun oğlu Cavid, qayınanası Səmayə və qohumu Nüşabə yanıq xəsarətləri ilə xəstəxanaya yerləşdiriliblər.
Həmin gün Masazır qəsəbəsində təbii qaz sızmasından daha bir partlayış olub. Bu hadisə isə saat 03.00 radələrində Aşıq Ələsgər küçəsində yaşayan Mübariz Şərifovun evində qeydə alınıb. Orada kirayədə yaşayanlar - qəsəbə sakinləri Cavid Zəliyev, arvadı Nailə və oğlu Rüstəm yanıq xəsarətləri ilə xəstəxanaya yerləşdirilib. Rüstəm Zəliyev aldığı xəsarətdən xəstəxanada ölüb.
Hər iki faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
