Bakı – APA. Azərbaycan Superkuboku uğrunda matçın vaxtı və məkanı müəyyənləşib. Apasport.az saytının məlumatına görə, Topaz Premyer Liqasının qalibi “Qarabağ” və ölkə kubokunun sahibi “Neftçi” Superkuboku əldə etmək üçün Qəbələdə görüşəcək.
Bu qarşılaşma çempionatın başlamasından 4 gün sonra keçiriləcək. Belə ki, avqustun 13-də tərəflər ən güclünü müəyyənləşdirməyə çalışacaq.
Qeyd edək ki, ötən il Superkubok matçı Naxçıvanda keçirilmişdi. Onda Con Toşakın çalışdırdığı “Xəzər Lənkəran” yeganə titulunu “Neftçi”ni yenməklə (2:1) əldə etmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
