Bakı – APA. Yığmamızın futbolçusu Rüfət Dadaşov cari mövsüm klubunda qol hesabını açıb. Apasport.az saytının məlumatına görə, o, “Kayzerslautern”in U-23 komandasının Regionalliqada “Pfullendorf”a qarşı keçirdiyi oyunda fərqlənib.
Belə ki, “Kayzerslauter”nin II komandası qonaqları 7:0 hesabı ilə darmadağın edib. Rüfət meydana 51-ci dəqiqədə daxil olub və het-trikə imza atmış Yan-Lukas Dorovu əvəzləyib. Dadaşov 64-cü dəqiqədə özü də fərqlənib və komandasının 5-ci qolunu vurub.
Qeyd edək ki, Rüfət Dadaşov millimizin Malta ilə son yoldaşlıq oyununda da dubl etməyi bacarmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
