Bakı. Viktoriya Dementyeva – APA. Tanınmış fransız fortepianoçu Fransua Şaplen Bakıdakı Beynəlxalq Muğam Mərkəzində konsert verib. APA-nın məlumatına görə, Azərbaycanda Fransız İnstitutu və Beynəlxalq Muğam Mərkəzi tərəfindən təşkil olunmuş konsertdə F. Şaplen Motsart, Şopen, Debüssi və For kimi məşhur bəstəkarların bir sıra misilsiz əsərlərini ifa edib.
Konsert anşlaqla keçirilib.
Qeyd edək ki, sonuncu dəfə F. Şaplen Bakıda 10 il bundan əvvəl konsert verib. Beynəlxalq miqyasda tanınmış fransalı fortepianoçu 1989-cu ildə Klivlend Beynəlxalq Müsabiqəsində Motsart mükafatına, daha sonra isə Rober Kasadesü mükafatına layiq görülüb.
F. Şaplen mayın 15-də Azərbaycan fortepianoçuları üçün də master-klass keçirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
