Bakı. Fuad Cəfərov - APA. Daxili İşlər Nazirliyi (DİN) Bərdədə baş verən yol qəzası ilə bağlı məlumat yayıb. APA-nın nazirliyinin saytına istinadən verdiyi məlumata görə, dekabrın 6-da saat 19 radələrində Bərdə rayonunun Əliyanlı kəndi ərazisində Dəymədağlı kənd sakini Ceyhun İbrahimovun idarə etdiyi "Mercedes" markalı və Ağdam rayon sakini Məhərrəm Məhərrəmovun idarə etdiyi "VAZ-21011" markalı avtomobillər toqquşub. M.Məhərrəmov və sərnişinləri - Ağdam rayon sakinləri İlkin Əhmədov, Gülər Gülməmmədova və Nişanə Məmmədova, habelə C.İbrahimov və sərnişini - Dəymədağlı kənd sakini Rafiq Qarazadə xəstəxanaya yerləşdirilib. N.Məmmədova və İ.Əhmədov orada ölüb, C.İbrahimova və R.Qarazadəyə ilkin tibbi yardım göstərildikdən sonra buraxılıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
