Bakı. Şamil Əlibəyli – APA. Ermənilərin Madriddə keçirilən “Fitur” turizm sərgisində törətdiyi təxribatla bağlı Azərbaycanın İspaniya tərəfinə göndərdiyi notaya hələlik cavab gəlməyib. Bunu APA-ya Azərbaycanın İspaniyadakı səfirliyinin 1-ci katibi Günay Ramazanova deyib. O bildirib ki, səfir Altay Əfəndiyev bu məsələni yerli mətbuatda qaldırmağı planlaşdırır: “Normalda cavab bir-iki həftəyə gəlir. Biz hələlik gözləyirik”.
Qeyd edək ki, yanvarın 22-26-da Madriddə keçirilən “Fitur” sərgisində iştirak edən Ermənistanın turizm şirkətləri təşkilatçılarla razılaşdırmadan öz pavilyonlarında Dağlıq Qarabağ stendi quraşdırıblar. Bununla bağlı Azərbaycan tərəfi təşkilatçılara öz etirazını bildirib və İspaniya XİN-ə nota göndərib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
