Bakı. Aqşin Rafiqoğlu - APA-Economics. Bu ilin yanvar-may aylarında Azərbaycanın xarici ticarət əməliyyatlarının həcmi 12 989 207.52 min ABŞ dolları təşkil edib.
“APA-Economics”in Azərbaycan Dövlət Gömrük Komitəsinə istinadən verdiyi məlumata görə, bu, ötən ilin müvafiq dövrünə nisbətən 11,78% azdır.
Bu ilin 5 ayı ərzində idxal əməliyyatları 3 509 880.37 min dollar olub ki, bu da keçən ilin müvafiq dövrünə nisbətən 19,46% azdır.
Belə ki, bu ilin yanvar-may aylarında ölkənin ixrac əməliyyatları üzrə 9 479 327.15 min dollar olub ki, bu da ötən ilin analoji dövrü ilə müqayisədə 8,55% azdır.
Nəticədə 5 969 446,78 min dollar müsbət saldo yaranıb ki, bu da ötən ilin eyni dövrü ilə müqayisədə 06% azdır.