Bakı – APA. Topaz Premyer Liqasında mübarizə aparan “Zirə” klubunun əvəzedici komandası gözlənilən cəzaya məruz qalıb. Apasport.az-ın PFL-in rəsmi saytına istinadən məlumatına görə, V turda “Rəvan”la matçda yaş limitini pozan paytaxt klubuna İntizam Komitəsi tərəfindən texniki məğlubiyyət verilib.
Əsasnaməyə uyğun olaraq, komandaların heyətində meydançada 8 nəfərdən az olmayaraq 1994-cü il və ya daha gənc təvəllüdlü (Azərbaycan vətəndaşı) futbolçular daxil edilməlidi. Ancaq “Zirə”nin bolqarıstanlı baş məşqçi Kamen Vasilyev onlardan birini “ixtisar”a salaraq, limiti pozub. Bu isə 1:0 hesabı ilə qalib gələn “Zirə”yə texniki məğlubiyyət bahasına başa gəlib.
Bununla yanaşı, “Rəvan”la oyunöncəsi iclasda “Zirə”nin nümayəndəsi iştirak etmədiyi üçün klub 1000 manat məbləğində cərimə olunub.
Qeyd edək ki, “Zirə” 4 matçdan 7, “Rəvan” isə 6 xal toplayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
