Bakı-APA. 16-21 mart tarixlərində Polşa-Azərbaycan Əməkdaşlıq Assosiasiyasının və Varşava Universitetinin elmi dərnəyinin üzvlərinin Bakıya səfəri olub. Azərbaycanın Polşadakı səfirliyindən APA-ya verilən xəbərə görə, səfər çərçivəsində polşalı tələbələr və Varşava Universitetinin professoru Yaroslav Tutlokovski ADA Universitetində, Bakı Slavyan Universitetində və Azərbaycan Dövlət İqtisad Universitetində görüşlər keçiriblər.
Görüşlər zamanı tələbələr Universitetin maddi-texniki bazası, kitabxanası, tələbə və müəllim heyəti ilə tanış olublar.
Uğurlu keçən səfərin nəticəsi olaraq Azərbaycan-Polşa Universitetləri arasında yeni elmi əlaqələrin əsası qoyulub, Polşa və Azərbaycan Universitetlərində Assosiasiyanın qərargahının açılması və yay məktəbləri çərçivəsində tələbə mübadiləsinə başlamaq təklifləri irəli sürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
